समृद्धि को बाधक को ? - गोरख चन्द

बुहारी संग झर्किदै सासुमा बोल्दै " तिमी कती पनी नसुन्ने है, मैले तिमीलाई घरबाहिर जानु हुन्न भन्या हैन? अर्काको घरमा आएर पनी मनपरी गर्न जानेको हेर न।" । बुहारी बोलीन " चिसोमा लाउने लुगा लिन भनेर वहाँ संग सोधेर मात्र गएकी "। " हेर न हेर मुख मुख लागेकी आईमाई जातै यस्तो झन यी काँ बाट आइछिन सस्कार नसिकेकी " भन्दै सासु कराउदै भित्र छिरीन। बाटोमा हिडिरहेको म अक्क न बक्क भए। सोचे के यो समाज , यो देश यस्तै ब्यक्तीहरुले गर्दा बिग्रीएको त होईन? भन्ने प्रश्न मेरो मनमा उब्जियो। जादैगर्दा बाटोमा पुलिसको गाडीले साइकललाई ठक्कर दिएर एउटा बृद्ध घाइते भएको देख्दा त्यहाँ नगइ मनै मानेन । एक जना पुलिसले भन्दै थिए " गल्ती ड्राईभरको होइन तिनै बुढाको हो"। सोचे यदि सर्बसाधारणले ठोकेको भए गाडिवालाकै गल्ती भनेर भित्र ठेलिन्थ्यो। धेरै नरुकी घर हिडे, जहाँ मजाले हिड्न सकिने खुला बाटो थियो त्यहाँ सोलार बत्ती लागेका थिए र पुलिसको सुरक्षा थियो भने जहाँ अध्यारो अनि ट्यापेहरु चुरोट पिउदै गुण्डागर्दी, गाली गलौज गर्दै थिए त्यहाँ भने सुनसान र सन्नाटा छ, कसैको ध्यान छैन।

दोस्रो दिन बजार जादै गर्दा सिसि क्यामेराहरु पनि झुण्डिएको देखे, बजार मा सोलार बत्तीहरु पनि , एक जना सिसि क्यामेराको तल बसेर चुरोटमा गाँजा भर्दै थिए । मैले दाजु त्यो के गरेको सार्बजनिक ठाउँमा , अनि अहिले पुलिसले समात्छ नि वहाँले जवाफ दिनुभयो " ६ महिना भयो यसको तल बसेर खान थालेको" । त्यहाबाट नि अगाडी गए एकजनाले धन्नै बाइकले ठोकेको, के हो किन हो यसरी हतार भनेको त ; "मेरो कार्यालय ढिला भयो" भन्दै स्वरी भन्दै बाइक कुदाएर गए। मैले घडि हेर्छु त ११ बज्न लागेको थियो ।

यी त केवल मैले एकै दिन भोगेका साना तिना घटनाहरु मात्र हुन तर बिकास र समृद्धिका कुरा हरेकको मुखमा झुण्डिएको भएपनी वास्तविक कुनै न कुनै ठाउँमा हामी आफै चुकेका छौ। तर पनी राज्य भित्रका ह्वालीमुहाली र राज्य संयत्रहरुको लापरवाही र जान्दाजान्दै गरेका कयौं कुराहरुनै राष्ट्रको बिकासको बाधक बनेका छन।

अब हेर्नुस जिल्ला प्रसासन जस्तो सुरक्षित ठाउँबाट नै ब्याग र हेलमटहरु चोरी हुन्छ, पुलिसबाटै चेलिबेटीहरु जिस्काईन्छन, पढाउने मास्टरबाट नै बालिका असहज महसुस गर्छिन, स्वतन्त्र बिद्यार्थी भन्दै पार्टिको झण्डा बोक्दै हिड्छन, सासुबाटै बुहारी दुख पाउछिन, राज्यको ढुकुटि सिद्याउने कर्मचारीहरुमै देशभक्तीको भावना छैन भने के आकासबाट खसेर आउछ त समृद्धि ? ..................क्रमसः...............